ಸುಮ್ಮನೆ ಬೇಸರವೇ,
ಹೇಳಲಾಗದ ಗೊಂದಲವೇ,
ತಳಮಳ ಮರೆತು ನಗು ಒಮ್ಮೆ
ನಿನ್ನೊಡನೆ ನಾನಿಲ್ಲವೇ?
ಜಗದ ವಿಕೃತಿ ಬರದಿರಲಿ
ನಿನ್ನ ಮೃದು ಮನಸಿನೆದುರು,
ಅವೆಲ್ಲವೂ ನನಗಿರಲಿ,
ಸಂತೋಷವೊಂದೆ ನಿನಗಿರಲಿ
ನಿನ್ನ ಮುಗ್ಧ ನಗುವಿನೆದುರು ದುಃಖವೂ ಒಂದು ಲೆಕ್ಕವೇ?
ಹೇಳು ಗೆಳೆಯ, ನಿನ್ನೊಡನೆ ನಾನಿಲ್ಲವೇ?
ಚೈತನ್ಯವಿರಲಿ ನಿನ್ನ ಪ್ರತಿ ಕ್ಷಣದಲಿ,
ಬೇಸರದ ಎಳೆಯೂ ಸಹ ಅಲ್ಲಿ ಸುಳಿಯದಿರಲಿ,
ಕೈಹಿಡಿದ ನಮ್ಮ ಕೈಗಳು ಇನ್ನೂ ಬಿಗಿಯಾಗಲಿ,
ಹೊಸ ಹಾದಿಯಲಿ ಹೂವುಗಳು ನಲಿಯಲಿ,
ಹೊಸ ಜೀವ ಅರಳಲಿ,
ಇನ್ನು ಚಿಂತೆಯೇಕೆ ಗೆಳೆಯ,
ನಿನ್ನಲ್ಲಿ ನಾನಿಲ್ಲವೇ?
ನಾನೇ ನಿನಗಲ್ಲವೇ?
No comments:
Post a Comment